Удмурт чеберинаослэн ӵошатсконзы «МИСС УДМУРТЛЫК-2010″ и другие ЧЕБЕРИНИАДЫ

Кыче луыны кулэ зэмос удмурт чеберай? Мазы понна синмасько нылъёслы? Та юанъёслы валэктон утчало «Юмшан промо» группа, «Удмурт кенеш», «Дэмен» огазеяськонъёс, «Удмурт дунне» газетлэн редакциез. «Мисс Удмуртлык», «Чеберай», «Удмурт дунне быръе дыды» — таче нимъёс улын ортчо удмурт нылъёс куспын вожвылъяськонъёс. Юмшан промо аслэсьтыз миссэ шедьтиз ни ке, «Удмурт дунне» утча на. Туннэ нуналлы солэн конкурсаз пыриськыны 10 мылкыд карисьёс куриськон гожтизы ини. Одигеныз чебер дыды, Оксана Перевозчикова вордскемын Балезино ёросысь Ушур гуртын. Школазэ йылпумъяса Удмурт кун университетын дышетскиз, борысь ужаны интыяськиз. Пинал дырысеныз ик портэм мер ужрадъёсы пыриськылиз. Каре вуыса но ассэ уг ышты. Быгатэмезъя мерлыко пумиськонъёсы вуыны тырше, портэм конкурсъёсы вуттиське. ЛАРИСА МЕДВЕДЕВА ОКСАНА ПЕРЕВОЩИКОВАЛЭН ЭШЕЗ: «Гань-гань, нокытчы но со уг но дырты кадь. Мукет ласянь учкиськод ке, со олокытчы но вуэ. Сое адзыны луэ уж дурысеныз но, трос эшъёсыз но. Быгатэ вераськыны котькинэн, котькудиз сое тодэ. Со ноку но уз шуы, мынам дыры овол.»

Кыче луыны кулэ зэмос чеберай? юанлы котькудиз ас сяменыз валэктэ. Чемысь нош «чебер» кыл возы «туала, йоно, паськыт усьтэм сюлэмо но капчи мылкыдо» тодметъёс будэто на. Оксана Перевозчикова вань та куронъёслы тупа. Нош жюриослэсь выли дунъет басьтон понна, со гинэ уг тырмы ай, шуэ Оксана.

ОКСАНА ПЕРЕВОЩИКОВА «УДМУРТ ДУННЕ» БЫРЪЕ ДЫДЫ» ВОЖВЫЛЪЯСЬКОНЭ ПЫРИСЬКИСЬ: «Нылъёс кулэ луыны не только чебер вылтусын,но соос адзытыны быгатыны кулэ асьсэлэсь пуш дуннезэс но. Маин со улэ, маин со шока. Со возьматыны быгатыны кулэ, мар со быгатэ киыныз лэсьтыны, кызьы со лулчеберетсэ возьматыны быгатэ.»

«Мисс Удмуртлык», «Чеберай», «Удмурт дунне быръе дыды» вожвылъяськонъёслэн валтись ужпумзы одиг ке но, куронъёссы портэмесь. «Юмшан промо» шаплызэ, туала нылашез бырйиз. Чеберай конкурсын нош визьмо, мусо, кибашлы но усточизэ утчало. «Удмурт дунне» газет но ас сяменыз куронъёс пуктэ.

АЛЁНА ИОНИНА «УДМУРТ ДУННЕ» ГАЗЕТЫСЬ ЖУРНАЛИСТ: «Нылашлэн луыны кулэ аресэз 15-25. Чебер туспуктэмзэ куляно, ачиз сярысь гожтоно. Соку лыдзисьёсмы быгатозы жингыръяны, вераны мылкыдзэс, кин соослы кельшиз. Озьы ик луэ куара сётыны в контакте сайтын но «Удмурт дунне» сайтлэн форумаз.»

«Удмурт дуннелэн» дыдыезлэн нимыз 25 оштолэзе тодмо луоз.
Александр Бикузин «Мынам Удмуртие» телеканал.

http://vkontakte.ru/photo-644235_160086544

Розыгрыши билетов на конкурс

15 апреля на Удмуртском Музыкальном Ринге в клубе Авиатор.
16 – 24 апреля – в клубе Удмуртлык ВКонтакте.
24 апреля – на волнах радио Моя Удмуртия в рамках радиовечеринки ЭКТОНИКА.

Yumshan Promo \ У нас всегда есть Лишний Билетик! Играйте с нами;)