Арча калыклэн азяз уськытон кыл

Чыжы-выжыос
Арча калыклэн азяз уськытон кыл

Чыжы-выжыос, Ти мусо Туганъёс,
Тиледлы веранъёс, кузьмаськом кырзанъёс.
Тодиськом, гажаськом, Тиледыз малпаськом,
Огдэс кельтытэк ми бурэ ваиськом!

Жингыртись кусоос, погырам турынъёс,
Чебересь сяськаос, кисьмамтэ емышъёс.
Кужмоесь мугоръёс, чигымтэ мылкыдъёс,
Тиледлы ваньдылы, азяды мед усёз!

Мед луоз валесты мамык кадь ик небыт,
Улонды нош тиляд Арчалэсь но шуныт.
Инмармы Тиледыз ас дораз мед басьтоз,
Шуныт ки улъёсаз лулъёстэс мед шунтоз.

Шундыды сопалан мед луоз шунытгес,
Югытэз но пиштоз Тиледлы югытгес.
Секытэсь малманъёс Тилесьтыд кошкозы,
Вормонтэм ужпумъёс бусёсын толзозы.

Утелэ милемыз Ти янгыш сюреслэсь,
Малпамтэ вамышлэсь, ултиясь ужъёслэсь.
Шаермес пазьгелэ Ти чебер сяськаен,
Лулпушмес милестым яратон мылкыдэн.